......قالسين
سئوگيليم قويما ديليمده نه شكايت قالسين
نه ده كونلومده-گوءزومده آجي حسرت قالسين
گل وفاسيز دئمه بس دير سني جاندان سئونه
قويمارام بيرداها اوستومده بو تهمت قالسين
بير گوءزلسن كي گوءزللر سنه تيكميش گوءزونو
دئييرم اوءلكه ده حاققيندا بو صحبت قالسين
سون وئرك گل بو شكايت لره سندن مندن
درده دوءزمك جاوان عاشيق لره عادت قالسين
وارسا شوبهه ن سوءزومه اوندا بويور آل گوءزليم
اورگيم قبره قدر سنده امانت قالسين
گل سليمان او قيزيل گول دوداغيندان اوءپسون
تورپاق آلتيندا دا آغزيندا بو لذت قالسين
[ بازدید : 80 ] [ امتیاز : 3 ] [ امتیاز شما : ]